ಬೈಂದೂರು: ಮೊಗವೀರ ಯುವ ಸಂಘಟನೆ(ರಿ.)ಉಡುಪಿ ಜಿಲ್ಲೆ ಇದರ ಬೈಂದೂರು -ಶಿರೂರು ಘಟಕದ 2023-24ನೇ ಸಾಲಿನ ಸರ್ವ ಸದಸ್ಯರ ವಾರ್ಷಿಕ ಮಹಾಸಭೆ,ಬಾವಿ ಮತ್ತು ಶೌಚಾಲಯ ಉದ್ಘಾಟನೆ ಬೈಂದೂರು ಮೊಗವೀರ ಭವನದ ಕಛೇರಿಯಲ್ಲಿ ನಡೆಯಿತು.

ಮೊಗವೀರ ಯುವ ಸಂಘಟನೆಯ ಜಿಲ್ಲಾಧ್ಯಕ್ಷ ರಾಜೇಂದ್ರ ಸುವರ್ಣ ಹಿರಿಯಡ್ಕ ಸಭೆಯ ಅಧ್ಯಕ್ಷತೆ ವಹಿಸಿದ್ದರು.ಗೌರವ ಸಲಹೆಗಾರ ರಾಮ ಮೊಗವೀರ ಅಳ್ವೆಗದ್ದೆ ನೂತನ ಶೌಚಾಲಯವನ್ನು ಉದ್ಘಾಟಿಸಿದರು.

ಮುಖ್ಯ ಅತಿಥಿಗಳಾಗಿ ಬಗ್ವಾಡಿ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷ ಉದಯ ಕುಮಾರ್ ಹಟ್ಟಿಯಂಗಡಿ,ಮೊಗವೀರ ಯುವ ಸಂಘಟನೆ ಬೈಂದೂರು -ಶಿರೂರು ಘಟಕದ ಅಧ್ಯಕ್ಷ ರವಿರಾಜ್ ಚಂದನ್ ಕಳವಾಡಿ,ಗೌರವ ಸಲಹೆಗಾರ ಎಮ್.ಎಮ್.ಸುವರ್ಣ,ಜಿಲ್ಲಾ ಕಾರ್ಯದರ್ಶಿ ರವೀಶ್ ಕೊರವಡಿ,ಶ್ಯಾಮಲ ಕುಂದರ್,ಜಿಲ್ಲಾ ಸಂಘಟನೆ ಉಪಾಧ್ಯಕ್ಷ ಕೃಷ್ಣ ಮೊಗವೀರ,ಹಿರಿಯರಾದ ರಾಮ ಮೊಗವೀರ ಕಳವಾಡಿ,ಜಗನ್ನಾಥ ಮೊಗವೀರ,ವಸಂತ ತಗ್ಗರ್ಸೆ,ಸಂಜೀವ ಮೊಗವೀರ,ಮಾಜಿ ಅಧ್ಯಕ್ಷರಾದ ರಾಜು ಮೊಗವೀರ,ಪಾಂಡುರಂಗ ಮೊಗವೀರ,ಗಂಗಾಧರ ಮೊಗವೀರ ಪಡುವರಿ,ನಾಗರಾಜ ಚಂದನ್ ತಗ್ಗರ್ಸೆ ಹಾಗೂ ಗುರಿಕಾರರು ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ಮೊಗವೀರ ಯುವ ಸಂಘಟನೆಯ ಜಿಲ್ಲಾಧ್ಯಕ್ಷ ರಾಜೇಂದ್ರ ಸುವರ್ಣ ಹಿರಿಯಡ್ಕ,ಕಾರ್ಯದರ್ಶಿ ರವೀಶ್ ಕೊರವಡಿ ಹಾಗೂ ಗೌರವ ಸಲಹೆಗಾರರಾದ ರಾಮ ಮೊಗವೀರ ಅಳ್ವೆಗದ್ದೆ ರವರನ್ನು ಸಮ್ಮಾನಿಸಲಾಯಿತು ಹಾಗೂ ಮೊಗವೀರ ಯುವ ಸಂಘಟನೆಯ ನೂತನ ಅಧ್ಯಕ್ಷರಾಗಿ ಸೋಮ ಮೊಗವೀರ ಕಸ್ಟಂ ಹಾಗೂ ಕಾರ್ಯದರ್ಶಿಯಾಗಿ ಶಿವಾನಂದ ಮೊಗವೀರ ರವರನ್ನು ಆಯ್ಕೆ ಮಾಡಲಾಯಿತು.

ಮೊಗವೀರ ಯುವ ಸಂಘಟನೆಯ ಕಾರ್ಯದರ್ಶಿ ಗೌತಮ ಚಂದನ್ ವಾರ್ಷಿಕ ವರದಿ ವಾಚಿಸಿ ಕಾರ್ಯಕ್ರಮ ನಿರ್ವಹಿಸಿದರು.