ಶಿರೂರು: ವರಲಕ್ಮೀ ಚಾರಿಟೇಬಲ್ ಟ್ರಸ್ಟ್ (ರಿ.) ಉಪ್ಪುಂದ ಇದರ ವತಿಯಿಂದ ಶಿರೂರು ಗ್ರಾಮದ ಮೇಲ್ಪಂಕ್ತಿ ದುರ್ಗಿ ಪೂಜಾರಿ ಮತ್ತು ಆಶಾ ಪೂಜಾರಿಯ ಕುಟುಂಬಕ್ಕೆ ನಿರ್ಮಿಸುವ ಮನೆಗೆ ಭೂಮಿಪೂಜೆ ನೆರವೇರಿಸಿದರು. ದುರ್ಗಿ ಪೂಜಾರಿ ದುಡಿಯಲು ಅಶಕ್ತರಾಗಿದ್ದು ಮತ್ತು ಮಗಳಾದ ಆಶಾ ಪೂಜಾರಿ ಅವರು ಹುಟ್ಟಿನಿಂದ ವಿಶೇಷಚೇತನರಾಗಿದ್ದಾರೆ.ಅವರ ಕುಟುಂಬದ ಕಷ್ಟ ಅರಿತು ಉದ್ಯಮಿ ಹಾಗೂ ಉಪ್ಪುಂದ ವರಲಕ್ಮೀ ಚಾರಿಟೇಬಲ್ ಟ್ರಸ್ಟ್, ಅಧ್ಯಕ್ಷ ಡಾ.ಗೋವಿಂದ ಬಾಬು ಪೂಜಾರಿಯವರು ತಮ್ಮ ಸಂಸ್ಥೆಯಿಂದ ಉಚಿತ ಮನೆ ನಿರ್ಮಿಸಿಕೊಡಲು ಮುಂದಾಗಿದ್ದು ಗುದ್ದಲಿ ಪೂಜೆ ನಡೆಸಿದ್ದಾರೆ ಮತ್ತು ಶೀಘ್ರ ಮನೆ ನಿರ್ಮಾಣವಾಗಲಿದೆ.
