ಶಿರೂರು: ಶಿರೂರು ಕರಿಕಟ್ಟೆ ಬಳಿ ಸಾರ್ವಜನಿಕರ ಅನುಕೂಲಕ್ಕಾಗಿ ನಿರ್ಮಿಸಿದ ಬಸ್ ನಿಲ್ದಾಣವನ್ನು ಉದ್ಯಮಿ ಮಣೆಗಾರ್ ಜಿಪ್ರಿ ಉದ್ಘಾಟಿಸಿದರು.ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಊರಿನ ಅಭಿವೃದ್ದಿಗೆ ಮತ್ತು ಸಾರ್ವಜನಿಕರ ಅನುಕೂಲಕ್ಕಾಗಿ ಅನಿವಾಸಿ ಭಾರತೀಯರು ನಿರ್ಮಿಸಿದ ಇಂತಹ ಕೊಡುಗೆ ಇತರರಿಗೆ ಪ್ರೇರಣೆಯಾಗಿದೆ.ಸರಕಾರ,ಗ್ರಾಮ ಪಂಚಾಯತ್ ಜೊತೆಗೆ ಸಾರ್ವಜನಿಕರು ಮತ್ತು ದಾನಿಗಳ ಸಹಕಾರವಿದ್ದಾಗ ಇನ್ನಷ್ಟು ಅಭಿವೃದ್ದಿ ಸಾಧ್ಯ ಎಂದರು.
ಈ ಸಂದರ್ಭದಲ್ಲಿ ಗ್ರಾ.ಪಂ ಉಪಾಧ್ಯಕ್ಷ ನೂರ್‌ಮಹ್ಮದ್,ಗ್ರಾ.ಪಂ ಸದಸ್ಯರಾದ ಮುಕ್ರಿ ಅಲ್ತಾಫ್,ಶಕೀಲ್ ಅಹ್ಮದ್,ಎಚ್.ಎಸ್.ಸಿದ್ದಿಕ್,ಜಮಾಲ್,ಮಹ್ಮದ್ ಗೌಸ್ ಮೊದಲಾದವರು ಹಾಜರಿದ್ದರು.