ಬೈಂದೂರು: ತಾಲೂಕು ಆಡಳಿತ ಕಛೇರಿ ಬೈಂದೂರು ಇದರ ವತಿಯಿಂದ ಕಳೆದ 18 ವರ್ಷಗಳಿಂದ ಗ್ರಾಮ ಲೆಕ್ಕಾಧಿಕಾರಿಗಳಾಗಿ ಸೇವೆ ಸಲ್ಲಿಸಿ ಕುಂದಾಪುರ ಸಹಾಯಕ ಕಮಿಷನರ್ ಕಛೇರಿಗೆ ವರ್ಗಾವಣೆಗೊಂಡ ಮಂಜುನಾಥ ಬಿಲ್ಲವ ಹಾಗೂ ಕಳೆದ 15 ವರ್ಷಗಳಿಂದ ಗ್ರಾಮ ಲೆಕ್ಕಾಧಿಕಾರಿಗಳಾಗಿ ಸೇವೆ ಸಲ್ಲಿಸಿ ಉಡುಪಿ ತಾಲೂಕು ಕಛೇರಿಗೆ ಆಹಾರ ನಿರೀಕ್ಷಕರಾಗಿ ವರ್ಗಾವಣೆಗೊಂಡ ಸತೀಶ ಹೋಬಳಿದಾರ್ ರವರನ್ನು ತಾಲೂಕು ಆಡಳಿತ ವತಿಯಿಂದ ಸಮ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಉಪತಹಶೀಲ್ದಾರ ಭೀಮಪ್ಪ,ಕಂದಾಯ ಇಲಾಖೆಯ ಗಿರಿಜಾ ಮೊಗೇರ್,ಕಂದಾಯ ನಿರೀಕ್ಷಕ ಮಂಜು ಹಾಗೂ ಕಂದಾಯ ಇಲಾಖೆಯ ಸಿಬಂದಿಗಳು ಹಾಜರಿದ್ದರು.

ಶಿರೂರು ಗ್ರಾಮಕರಣಿಕ ಪ್ರಕಾಶ್ ರಾಥೋಡ್ ಸ್ವಾಗತಿಸಿದರು.ಗ್ರಾಮಕರಣಿಕ ವೀರೇಶ್ ಕಾರ್ಯಕ್ರಮ ನಿರ್ವಹಿಸಿದರು.ಕಿರಿಮಂಜೇಶ್ವರ ಗ್ರಾಮ ಕರಣಿಕ ಗಣೇಶ ಮೇಸ್ತ ವಂದಿಸಿದರು.