ಶಿರೂರು; ಕೇಂದ್ರ ಲೋಕಸೇವಾ ಆಯೋಗದ(ಯು.ಪಿ.ಎಸ್.ಸಿ ) ಪರೀಕ್ಷೆಯಲ್ಲಿ ಶಿರೂರು ಮೂಲದ ಕುಮಾರಿ ನಿಧಿ ಪೈ ಐ.ಎ.ಎಸ್  ಪರೀಕ್ಷೆಯಲ್ಲಿ 110 ನೇ ರ್‍ಯಾಂಕ್  ಪಡೆದಿದ್ದಾರೆ.ಇವರ ಸಾಧನೆಯನ್ನು ಗುರುತಿಸಿ ಶಿರೂರಿನಲ್ಲಿ ಜೆಸಿಐ ಶಿರೂರಿನ ವತಿಯಿಂದ ಸಮ್ಮಾನಿಸಲಾಯಿತು.ಸಮ್ಮಾನ ಸ್ವೀಕರಿಸಿ ಮಾತನಾಡಿ ಕಠಿಣ ಪ್ರಯತ್ನ  ನಿಖರವಾದ ಉದ್ದೇಶ ಹೊಂದಿದಾಗ ಯಶಸ್ಸು ಸಾಧ್ಯ.ನನ್ನ ಈ ಸಾಧನೆಗೆ ಬೆಂಗಾವಲಾಗಿ ನಿಂತ ಪಾಲಕರು,ಶಿಕ್ಷಣ ಸಂಸ್ಥೆಗಳು ಹಾಗೂ ಹಿತೈಷಿಗಳ ಪ್ರೋತ್ಸಾಹ ಸದಾ ಮರೆಯುವಂತಿಲ್ಲ.ಈ ಸಾಧನೆ ಬಗ್ಗೆ ಹೆಮ್ಮೆ ಎನಿಸುತ್ತಿದೆ.ಮಾತ್ರವಲ್ಲದೆ ಕರ್ತವ್ಯದಲ್ಲಿ ಇನ್ನಷ್ಟು ಸಾಧನೆ ಮಾಡುವ ಕನಸಿದೆ.ನನ್ನನ್ನು ಗುರುತಿಸಿ ಗೌರವಿಸಿದ ಶಿರೂರಿನ ಜೆಸಿಐ ಸಂಸ್ಥೆಯ ಸದಸ್ಯರಿಗೆ ಅಬಾರಿಯಾಗಿದ್ದೇನೆ ಎಂದರು.

ಈ ಸಂದರ್ಭದಲ್ಲಿ ಶಿರೂರು ಜೆಸಿಐ ಅಧ್ಯಕ್ಷ ನಾಗೇಂದ್ರ ಪ್ರಭು ಪೂರ್ವಾಧ್ಯಕ್ಷರಾದ  ಪ್ರಕಾಶ ಮಾಕೋಡಿ,ವಲಯಾಧಿಕಾರಿ ಪಾಂಡುರಂಗ ಅಳ್ವೆಗದ್ದೆ,ನಾಗೇಶ ಕೆ,ಜಾನ್ಹವಿ ಪ್ರಭು, ಹರೀಶ ಶೇಟ್, ರಕ್ಷಾ ಪ್ರಭು,ನಾಗರಾಜ ಪ್ರಭು, ಕೃಷ್ಣಮೂರ್ತಿ ಶೇಟ್, ಲಕ್ಷ್ಮೀ ನಾಗೇಶ,  ಕೃಷ್ಣ ಪೂಜಾರಿ, ಕಾರ್ಯದರ್ಶಿ ವಿನೋದ ಮೇಸ್ತ ಹಾಗೂ ನಿಧಿ ಪೈ ಕುಟುಂಬದವರು ಉಪಸ್ಥಿತರಿದ್ದರು.

ಪೂರ್ವಾಧ್ಯಕ್ಷ ಶ್ರೀಕಾಂತ ಕಾಮತ್ ಸ್ವಾಗತಿಸಿದರು.ಪ್ರಸಾದ ಪ್ರಭು ಕಾರ್ಯಕ್ರಮ ನಿರ್ವಹಿಸಿದರು.ಅರುಣ ಕುಮಾರ್ ಶಿರೂರು ವಂದಿಸಿದರು.

News/Giri shiruru