ಬೈಂದೂರು; ಸುರಭಿ(ರಿ.)ಬೈಂದೂರು  ಇದರ ವತಿಯಿಂದ ಮಕ್ಕಳ ನಾಟಕ ಶಿಬಿರ ಉಧ್ಘಾಟನಾ ಕಾರ್ಯಕ್ರಮ ಬೈಂದೂರು ಅಂಬೇಡ್ಕರ್ ಭವನದಲ್ಲಿ  ನಡೆಯಿತು.ಸಂಸ್ಕ್ರತಿ ಉಡುಪಿಯ ವಿಶ್ವ ಪ್ರತಿಷ್ಠಾನ ಸಂಚಾಲಕ  ರವಿರಾಜ್ ಎಚ್.ಪಿ ಮಕ್ಕಳ ನಾಟಕ ಕಾರ್ಯಕ್ರಮ ಉದ್ಘಾಟಿಸಿದರು ಈ ಸಂದರ್ಭದಲ್ಲಿ ಮಾತನಾಡಿದ ಅವರು ನಾಟಕ ಅಭಿನಯದ ಜೊತೆಗೆ ನಾಟಕ ನೋಡುವ ಪ್ರೇಕ್ಷಕರನ್ನು ಸಿದ್ದಪಡಿಸುವುದು ಬಹುಮುಖ್ಯ.ರಂಗಭೂಮಿ ಕ್ಷೇತ್ರ ವ್ಯಾಪ್ತಿ ಸಾಕಷ್ಟು ವಿಶಾಲವಾಗಿರುವ ಜೊತೆಗೆ ಉತ್ತಮ ಅವಕಾಶಗಳಿವೆ.ಮಕ್ಕಳಿಗೆ ಶಿಕ್ಷಣದ ಜೊತೆಗೆ ರಂಗಭೂಮಿ ಆಸಕ್ತಿ ಅತ್ಯಗತ್ಯ.ಗ್ರಾಮೀಣ ಭಾಗದಲ್ಲಿ ಸುರಭಿ ಸಂಸ್ಥೆಯ ಸಾಂಸ್ಕ್ರತಿಕ ಪ್ರಯತ್ನ ಶ್ಲಾಘನೀಯ ಎಂದರು.

ಈ ಸಂದರ್ಭದಲ್ಲಿ ಸುರಭಿ ಅಧ್ಯಕ್ಷ ನಾಗರಾಜ ಪಿ.ಯಡ್ತರೆ,ಮಕ್ಕಳ ನಾಟಕದ ನಿರ್ದೇಶಕ ಗಣೇಶ ಮಂದಾರ್ತಿ,ಪತ್ರಕರ್ತ ಅರುಣ್ ಕುಮಾರ್ ಶಿರೂರು ಉಪಸ್ಥಿತರಿದ್ದರು.

ಸುರಭಿ ಉಪಾಧ್ಯಕ್ಷ ಆನಂದ ಮದ್ದೋಡಿ ಸ್ವಾಗತಿಸಿದರು.ಸುರಭಿ ಸಂಸ್ಥೆಯ ಸುಧಾಕರ ಪಿ.ಬಂದೂರು ಕಾರ್ಯಕ್ರಮ ನಿರ್ವಹಿಸಿದರು.ಕೃಷ್ಣಮೂರ್ತಿ ಉಡುಪ ವಂದಿಸಿದರು.

news/Giri shiruru