ಬೈಂದೂರು: ಶಿಕ್ಷಣ ಮಾತ್ರವಲ್ಲದೆ ಕ್ರೀಡೆ ಕೂಡ ಉತ್ತಮ ಭವಿಷ್ಯ ನೀಡುತ್ತದೆ.ಅನೇಕ ಪ್ರತಿಭಾವಂತರು ಕ್ರೀಡಾ ಸಾಧನೆ ಮೂಲಕ ಬದುಕನ್ನು ರೂಪಿಸಿಕೊಂಡು ಯಶಸ್ಸು ಕಂಡಿದ್ದಾರೆ.ಉತ್ಸಾಹ ಮತ್ತು ಆಸಕ್ತಿಯ ಜೊತೆಗೆ ಕಟಿಬದ್ದವಾದ ಮನಸ್ಸು ಇದ್ದಾಗ ಯಶಸ್ಸು ಸಾಧ್ಯ ಎಂದು ಯು.ಬಿ ಶೆಟ್ಟಿ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಯು.ಬಿ ಶೆಟ್ಟಿ ಹೇಳಿದರು ಅವರು ಯು.ಬಿ ಶೆಟ್ಟಿ ಶಿಕ್ಷಣ ಸಂಸ್ಥೆ ಇದರ ವಾರ್ಷಿಕ ಕ್ರೀಡಾಕೂಟವನ್ನು ಉದ್ಘಾಟಿಸಿ ಈ ಮಾತುಗಳನ್ನಾಡಿದರು.

ಈ ಸಂದರ್ಭದಲ್ಲಿ ಯು.ಬಿ ಶೆಟ್ಟಿ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಯಶಶ್ರೀ ಬಿ. ಶೆಟ್ಟಿ,ಶಿಕ್ಷಕ ಸಂಯೋಜಕ ಸುಬ್ರಹ್ಮಣ್ಯ ಜೋಶಿ,ಪ್ರಾಂಶುಪಾಲ ಅಮಿತಾ ಶೆಟ್ಟಿ,ಜಯಶೀಲ ನಾಯಕ್ ಹಾಗೂ ಶಿಕ್ಷಕ ವೃಂದದವರು ಉಪಸ್ಥಿತರಿದ್ದರು.

ವಿದ್ಯಾರ್ಥಿಗಳಿಗೆ ಕ್ರೀಡಾ ಪ್ರತಿಜ್ಞೆ ಬೋಧಿಸಿದರು.ಶಿಕ್ಷಕಿ ರಮ್ಯ ಸ್ವಾಗತಿಸಿದರು.ಅನಿತಾ ಕಾರ್ಯಕ್ರಮ ನಿರ್ವಹಿಸಿದರು.ಜಗದೀಶ ವಂದಿಸಿದರು.