ಶಿರೂರು: ರೈತ ಸಂಘ ಶಿರೂರು ಇದರ ವತಿಯಿಂದ ಸೆ.22ರಂದು ಹೊಸ್ತು ಹಬ್ಬ ಆಚರಣೆ ಪ್ರಯುಕ್ತ ಕರಾವಳಿಯ ಸೋಡಿಬೆಟ್ಟಿನಲ್ಲಿ ಗ್ರಾಮೀಣ ಸಾಂಪ್ರದಾಯಿಕ ಕ್ರೀಡಾ ಸಂಭ್ರಮ ನಡೆಯಲಿದೆ.ಹೊಸ್ತು ಹಬ್ಬ ಗ್ರಾಮೀಣ ಸೊಗಡಿನ ಆಚರಣೆಯಾಗಿದ್ದು ನವರಾತ್ರಿ ತಿಂಗಳಲ್ಲಿ ಆಚರಿಸಲಾಗುತ್ತದೆ.ಕರಾವಳಿ ಭಾಗದಲ್ಲಿ ಮರೆಯಾಗುತ್ತಿರುವ ಕ್ರೀಡೆಗಳನ್ನು ನೆನಪಿಸುವ ಜೊತೆಗೆ ಸಾಂಪ್ರದಾಯಿಕ ಕ್ರೀಡೆಗಳನ್ನು ಯುವಪೀಳಿಗೆಗೆ ಮುಂದುವರಿಸುವ ಉದ್ದೇಶದಿಂದ ಹೊಸ್ತಿನ ದಿನ ವಿವಿಧ ಕ್ರೀಡೆಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಶಿರೂರು ರೈತ ಸಂಘದ ಅಧ್ಯಕ್ಷ ರವೀಂದ್ರ ಶೆಟ್ಟಿ ಹೊಸ್ಮನೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.