ಶಿರೂರು: ಕೆನರಾ ಬ್ಯಾಂಕ್ ಶಿರೂರು ಶಾಖೆಯಲ್ಲಿ ಕಳೆದ ಮೂರು ವರ್ಷಗಳಿಂದ ಪ್ರಭಂಧಕರಾಗಿ ಸೇವೆ ಸಲ್ಲಿಸಿ ಪ್ರಸ್ತುತ ಆಂದ್ರ ಪ್ರದೇಶದ ಕಡ್ಪಾ ಶಾಖೆಗೆ ವರ್ಗಾವಣೆಗೊಂಡ ಬಿ.ಸುಧಾಕರ ಹಾಗೂ ಕಳೆದ ಎರಡು ವರ್ಷಗಳಿಂದ ಶಿರೂರು ಕೆನರಾ ಬ್ಯಾಂಕ್ ಶಾಖೆಯಲ್ಲಿ ಬ್ಯಾಂಕ್ ಅಧಿಕಾರಿಯಾಗಿ ಸೇವೆ ಸಲ್ಲಿಸಿ ಪ್ರಸ್ತುತ ಉಡುಪಿ ಕೆನರಾ ಬ್ಯಾಂಕ್ ಪ್ರಧಾನ ಕಛೇರಿಗೆ ವರ್ಗಾವಣೆಗೊಂಡ ಮೋಹನ್ ಕೃಷ್ಣ ಇವರ ಬೀಳ್ಕೋಡುಗೆ ಸಮಾರಂಭ ಶಿರೂರು ಕೆನರಾ ಬ್ಯಾಂಕ್ ಶಾಖಾ ಕಛೇರಿಯಲ್ಲಿ ನಡೆಯಿತು.

ಈ ಸಂದರ್ಭದಲ್ಲಿ ಗ್ರಾಹಕರು ಹಾಗೂ ಬ್ಯಾಂಕ್ ಸಿಬಂದಿಗಳ ಪರವಾಗಿ ಸಮ್ಮಾನಿಸಿ ಗೌರವಿಸಲಾಯಿತು.

ಸಮ್ಮಾನ ಸ್ವೀಕರಿಸಿ ಮಾತನಾಡಿದ ಬ್ಯಾಂಕ್ ಪ್ರಬಂಧಕ ಬಿ.ಸುಧಾಕರ್ ಶಿರೂರು ಜನತೆ ಸೇವೆ ನೀಡಲು ಸರಕಾರಿ ಅಧಿಕಾರಿಗಳಿಗೆ ಅತ್ಯುತ್ತಮವಾದ ಪ್ರದೇಶವಾಗಿದೆ.ಇಲ್ಲಿನ ಜನರ ಪ್ರೀತಿ, ವಿಶ್ವಾಸ ಮತ್ತು ಭರವಸೆ ನಮಗೆ ಇನ್ನಷ್ಟು ಸಂತೋಷ ನೀಡಿದೆ.ಈ ಊರು ನಮ್ಮ ಸ್ವಂತಃ ಊರಿನಂತೆ ಭಾವಿಸಲ್ಪಡುತ್ತದೆ.ಮುಂದೆಯೂ ಕೂಡ ಕೆನರಾ ಬ್ಯಾಂಕ್‌ಗೆ ಇದೇ ರೀತಿಯ ಸಹಕಾರವನ್ನು ನೀಡಿ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಸಿಬಂದಿಗಳಾದ ಮೋಹನ್,ಕವಿತಾ,ನಿವೃತ್ತ ಬ್ಯಾಂಕ್ ಅಧಿಕಾರಿ ವಿಜಯ್ ಕುಮಾರ್ ಬೆಸ್ಕೂರು,ದೇವರಾಜ್ ಗೊಂಡ,ಉದ್ಯಮಿ ರಾಮ ಎ.ಮೇಸ್ತ,ಪ್ರಸಾದ ಪ್ರಭು,ಪತ್ರಕರ್ತ ಅರುಣ್ ಕುಮಾರ್ ಶಿರೂರು,ಮತ್ಸೋಧ್ಯಮಿ ತಿಮ್ಮಪ್ಪ ಮೊಗೇರ್ ಅಳ್ವೆಗದ್ದೆ, ಹರೀಶ್ ಶೇಟ್,ಲಕ್ಷ್ಮೀಶ್ ನಾಯ್ಕ ಗೋರ್ಟೆ,ರಾಮ ಮೊಗೇರ್ ಅಳ್ವೆಗದ್ದೆ,ಅವಿನಾಶ ಪ್ರಭು ಹಾಗೂ ಗ್ರಾಹಕರು ಹಾಜರಿದ್ದರು.