ಬೈಂದೂರು: ಸುರಭಿ (ರಿ.)ಬೈಂದೂರು ಇದರ ಆಶ್ರಯದಲ್ಲಿ ಮೂರು ದಿನಗಳ ರಾಜ್ಯಮಟ್ಟದ ನಾಟಕೋತ್ಸವ ರಂಗ ಸುರಭಿ -2024 ಕಾರ್ಯಕ್ರಮ ಏಪ್ರಿಲ್ 06 ರಿಂದ ಏ.08 ರ ವರೆಗೆ ಸಂಜೆ 6:30ಕ್ಕೆ ಬೈಂದೂರು ಶಾರದಾ ವೇದಿಕೆಯಲ್ಲಿ ನಡೆಯಲಿದೆ.

ಏಪ್ರಿಲ್ 06 ರಂದು ಸಂಜೆ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಮಾಜಿ ಅಧ್ಯಕ್ಷ ಚಂದ್ರಶೇಖರ ಶೆಟ್ಟಿ ಕೆರಾಡಿ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ.ಶ್ರೀ ರಾಮ ವಿವಿದೋದ್ದೇಶ ಟ್ರಸ್ಟ್‌ನ ಅಧ್ಯಕ್ಷ ಬಿ.ರಾಮಕೃಷ್ಣ ಶೇರುಗಾರ್ ಅಧ್ಯಕ್ಷತೆ ವಹಿಸಲಿದ್ದು ಮುಂತಾದ ಗಣ್ಯರು ಉಪಸ್ಥಿತರಿರಲಿದ್ದಾರೆ.ಹಿರಿಯ ರಂಗ ಕಲಾವಿದ ವಿಶ್ವೇಶ್ವರ ಅಡಿಗ ಬಿಜೂರು ರವರನ್ನು ಸುರಭಿ ಸಂಸ್ಥೆಯ ವತಿಯಿಂದ ಸಮ್ಮಾನಿಸಲಾಗುವುದು.ಅಸ್ತಿತ್ವ ಮಂಗಳೂರು ಅಭಿನಯದ ಜುಗಾರಿ ನಾಟಕ ಪ್ರದರ್ಶನಗೊಳ್ಳಲಿದೆ.

ಏ.07 ರಂದು ಸಂಜೆ ಸಭಾ ಕಾರ್ಯಕ್ರಮದಲ್ಲಿ ನಿವೃತ್ತ ಮುಖ್ಯ ಶಿಕ್ಷಕ ಕೃಷ್ಣಪ್ಪ ಶೆಟ್ಟಿ ಹುಂಚನಿ ಅಧ್ಯಕ್ಷತೆ ವಹಿಸಲಿದ್ದು ಮುಂತಾದ ಗಣ್ಯರು ಉಪಸ್ಥಿತರಿರಲಿದ್ದಾರೆ.ಪರಿಚಯ ಪ್ರತಿಷ್ಠಾನ ಪಾಂಬೂರು ಕಾರ್ಯದರ್ಶಿ ಪ್ರಕಾಶ್ ನೋರೋನ್ನಾ ರವರನ್ನು ಸಮ್ಮಾನಿಸಲಾಗುವುದು ಬಳಿಕ ಭೂಮಿಗೀತೆ ಸಾಂಸ್ಕ್ರತಿಕ ವೇದಿಕೆ ಪಟ್ಲ ಇವರಿಂದ ಒಂದು ದಮ್ಮ ಪದ ನಾಟಕ ಪ್ರದರ್ಶನಗೊಳ್ಳಲಿದೆ.

ಏ. 08 ರಂದು ಸಮಾರೋಪ ಸಮಾರಂಭದಲ್ಲಿ ಸುರಭಿ ಸಂಸ್ಥೆಯ ಅಧ್ಯಕ್ಷ ನಾಗರಾಜ ಪಿ.ಯಡ್ತರೆ ಅಧ್ಯಕ್ಷತೆ ವಹಿಸಲಿದ್ದು ಮಂದಾರ ಸಾಂಸ್ಕ್ರತಿಕ ಬ್ರಹ್ಮಾವರ ಇದರ ಅಧ್ಯಕ್ಷ ರೋಹಿತ್ ಎಸ್.ಬೈಕಾಡಿ ಯವರನ್ನು ಸಮ್ಮಾನಿಸಲಾಗುವುದು ಬಳಿಕ ರಂಗಬೆಳಕು ಶಿವಮೊಗ್ಗ ಅಭಿನಯದ ಒಲವಿನ ಜಂಕ್ಷನ್ ನಾಟಕ ಪ್ರದರ್ಶನಗೊಳ್ಳಲಿದೆ  ಎಂದು ಸುರಭಿ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.