ಬೈಂದೂರು: ಶ್ರೀ ಬೀರೇಶ್ವರ ದೇವಸ್ಥಾನ ಕಡ್ಕೆ ಯಡ್ತರೆ ಗ್ರಾಮ ಇದರ ರಜತ ಮಹೋತ್ಸವ ಸಂಭ್ರಮದ ಆಮಂತ್ರಣ ಪತ್ರಿಕೆ ಬಿಡುಗಡೆ ಕಾರ್ಯಕ್ರಮ ಬೀರೇಶ್ವರ ದೇವಸ್ಥಾನದ ಆವರಣದಲ್ಲಿ ನಡೆಯಿತು.

ದೇವಸ್ಥಾನದ ಗೌರವಾಧ್ಯಕ್ಷ ಪರಮಯ್ಯ ಗೊಂಡ ರಜತ ಮಹೋತ್ಸವ ಸಂಭ್ರಮದ  ಆಮಂತ್ರಣ ಪತ್ರಿಕೆಯನ್ನು ಬಿಡುಗಡೆಗೊಳಿಸಿದರು.ಬಳಿಕ ಮಾತನಾಡಿದ ಅವರು ಶ್ರೀ ಬೀರೇಶ್ವರ ದೇವಸ್ಥಾನ ಸಹ್ಯಾದ್ರಿ ತಪ್ಪಲಿನ ಕಾರ್ಣಿಕ ಸ್ಥಳವಾಗಿದೆ.ಅನಾದಿ ಕಾಲದಿಂದಲೂ ಪ್ರಕೃತಿಯ ಮದ್ಯದಲ್ಲಿರುವ ಈ ಶಕ್ತಿ ದೇವರನ್ನು ಗೊಂಡ ಸಮುದಾಯ ತಲಾ ತಲಾಂತರದಿಂದ ಆರಾಧಿಸಿಕೊಂಡು ಬರುತ್ತಿದೆ.ಜನವರಿ 30 ಹಾಗೂ 31 ರಂದು ದೇವಸ್ಥಾನದ ರಜತ ಮಹೋತ್ಸವ ಸಂಭ್ರಮ,ಧಾರ್ಮಿಕ ವರ್ಧಂತ್ಯೋತ್ಸವ, ಶ್ರೀದೇವರಿಗೆ ಬೆಳ್ಳಿ ಕಿರೀಟ ಸಮರ್ಪಣೆ ಹಾಗೂ ಮಹಾದ್ವಾರಕ್ಕೆ ನೂತನವಾದ ಶಿಲಾಮಯ ಪೀಠ ಸಹಿತ ಗಜಪ್ರತಿಮಾ ಸಮರ್ಪಣೆ ಕಾರ್ಯಕ್ರಮ ನಡೆಯಲಿದೆ.ಈ ಧಾರ್ಮಿಕ ಮಹೋತ್ಸವದ ಸಿದ್ದತೆ ನಡೆಯುತ್ತಿದೆ ಎಂದರು.

ದೇವಸ್ಥಾನದ ಮಾಜಿ ಅಧ್ಯಕ್ಷ ಗೋವಿಂದ ಎಂ.ಗೊಂಡ ಟೀ ಶರ್ಟ್ ಬಿಡುಗಡೆಗೊಳಿಸಿದರು.ಈ ಸಂದರ್ಭದಲ್ಲಿ ಊರಿನ ಹಿರಿಯರಾದ ನಾರಾಯಣ ಗೊಂಡ,ಸೋಮಯ್ಯ ಗೊಂಡ,ಗಣಪಯ್ಯ ಗೊಂಡ ಹಾಗೂ ಊರಿನ ಗ್ರಾಮಸ್ಥರು ಹಾಜರಿದ್ದರು.

ಕಾರ್ಯದರ್ಶಿ ಉಮೇಶ ಗೊಂಡ ಸ್ವಾಗತಿಸಿ ಕಾರ್ಯಕ್ರಮ ನಿರ್ವಹಿಸಿದರು.ಮಹಾದೇವ ಗೊಂಡ ಕಡ್ಕೆ ವಂದಿಸಿದರು.

News/Giri shiruru