ಶಿರೂರು: ರೋಟರಿ ಕ್ಲಬ್ ಬೈಂದೂರು,ಜೆಸಿಐ ಶಿರೂರು, ಬೈಂದೂರು ತಾಲೂಕು ದೈವಜ್ಞ ಬ್ರಾಹ್ಮಣ ಸಂಘ, ಇನ್ನರ್‌ರ್ವೀಲ್ ಕ್ಲಬ್ ಬೈಂದೂರು, ಜಿ.ಎಸ್.ಬಿ.ಸಮಾಜ ಶಿರೂರು ಇವರ ಸಹಭಾಗಿತ್ವದಲ್ಲಿ, ಹೆಗ್ಡೆ ಐ ಫೌಂಡೇಶನ್, ಭಟ್ಕಳ, ಹೆಗ್ಡೆ ಐ ಫೌಂಡೇಶನ್ ವಿಶನ್ ಸೆಂಟರ್ ಹೊನ್ನಾವರ  ಇದರ ವೈದ್ಯರಾದ ಹರ್ಷಿತ್ ಹೆಗ್ಡೆಯವರ ನೇತ್ರತ್ವದಲ್ಲಿ ಉಚಿತ ನೇತ್ರ ತಪಾಸಣಾ ಶಿಬಿರವನ್ನು ಶಿರೂರು ಪೇಟೆ ವೆಂಕಟರಮಣ ಸಭಾಭವನದಲ್ಲಿ ಆಯೋಜಿಸಲಾಯಿತು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಡಾ. ಹರ್ಷಿತ್ ಹೆಗ್ಡೆ ಕಣ್ಣು ಮನುಷ್ಯನ ಅತ್ಯಂತ ಪ್ರಮುಖವಾದ ಇಂದ್ರಿಯ.ಕಾಲಕಾಲಕ್ಕೆ ಕಣ್ಣುಗಳ ತಪಾಸಣೆ ಮಾಡಿಸಿಕೊಳ್ಳುವ ಮೂಲಕ ಕಣ್ಣಿನ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಅತಿ ಮುಖ್ಯ ಎಂದು ತಿಳಿಸಿದರು

ರೋಟರಿ ಕ್ಲಬ್ ಬೈಂದೂರು ಇದರ ಅಧ್ಯಕ್ಷರಾದ ರೋಟೆರಿಯನ್ ಪ್ರಸಾದ್ ಪ್ರಭು ಅಧ್ಯಕ್ಷತೆ ವಹಿಸಿದ್ದರು.

ಮುಖ್ಯ ಅತಿಥಿಗಳಾಗಿ ಜೆ ಸಿ ಐ ಶಿರೂರು ಅಧ್ಯಕ್ಷ ನಾಗೇಂದ್ರ ಪ್ರಭು, ಬೈಂದೂರು ತಾಲೂಕು ದೈವಜ್ಞ ಬ್ರಾಹ್ಮಣ ಸಂಘದ ಅಧ್ಯಕ್ಷ ಮೋಹನ್ ರೇವಣಕರ್, ಇನ್ನರ್‌ರ್ವಿಲ್ ಕ್ಲಬ್ ಅಧ್ಯಕ್ಷೆ ಚಂದ್ರಿಕಾ ರಾಮು, ಶಿರೂರು ಜಿ.ಎಸ್.ಬಿ ಸಮಾಜದ ಅಧ್ಯಕ್ಷ ಗಣೇಶ್ ಪ್ರಭು, ರೋಟರಿ ಕ್ಲಬ್ ಬೈಂದೂರು  ಪೂರ್ವ ಅಧ್ಯಕ್ಷರಾದ ಐ ನಾರಾಯಣ್, ಡಾ. ಅವಿನ್ ಆಳ್ವ ಉಪಸ್ಥಿತರಿದ್ದರು. ರೋಟರಿ ಕ್ಲಬ್ ಬೈಂದೂರು ಇದರ ಕಾರ್ಯದರ್ಶಿ ರೊಟೇರಿಯನ್ ಸುಬ್ರಮಣ್ಯ ಜಿ ಕಾರ್ಯಕ್ರಮ ನಿರ್ವಹಿಸಿದರು.ಗಿರೀಶ್ ಮೇಸ್ತ ವಂದಿಸಿದರು.

ಸುಮಾರು 80 ಶಿಬಿರಾರ್ಥಿಗಳು ಈ ಶಿಬಿರದ ಪ್ರಯೋಜನವನ್ನು ಪಡೆದುಕೊಂಡರು.