ಶಿರೂರು: ಯುವಶಕ್ತಿ ಕರಾವಳಿ ಹಾಗೂ ಅರುಣ್ ಪಬ್ಲಿಸಿಟಿ ಶಿರೂರು ಇದರ ಜಂಟಿ ಆಶ್ರಯದಲ್ಲಿ ಪ್ರಪ್ರಥಮ ಬಾರಿಗೆ ಕರಾವಳಿಯಲ್ಲಿ ಅದ್ದೂರಿಯ ಕರಾವಳಿ ಸಂಭ್ರಮ -2023 ಕಾರ್ಯಕ್ರಮ ಜನವರಿ 28 ಹಾಗೂ 29 ರಂದು ನಡೆಯಲಿದೆ.

ಜ.28 ರಂದು ಬೆಳಿಗ್ಗೆ ಮಹಿಳೆಯರಿಗೆ ವಿವಿಧ ಮನೋರಂಜನಾ ಸ್ಪರ್ಧೆಗಳು,ಶಿರೂರು ಮಟ್ಟದ ವಾಲಿಬಾಲ್ ಪಂದ್ಯಾಟ,ಮುದ್ದು ಕಂದ ಸ್ಪರ್ಧೆ,ಮದ್ಯಾಹ್ನ 3 ಗಂಟೆಗೆ ಮುಕ್ತ ಗಾಳಿಪಟ ಸ್ಪರ್ಧೆ ನಡೆಯಲಿದೆ.

ಜ.29 ರಂದು ಬೆಳಿಗ್ಗೆ 5 ಗಂಟೆಗೆ ಯೋಗ ತರಬೇತಿ ಶಿಬಿರ ಉದ್ಘಾಟನೆ.ಸಂಜೆ ಸಭಾ ಕಾರ್ಯಕ್ರಮ ಹಾಗೂ ರಾತ್ರಿ 9 ಗಂಟೆಗೆ ಸ್ಟಾರ್ ನೈಟ್ ಕಾರ್ಯಕ್ರಮ ನಡೆಯಲಿದೆ.

ವಿಶೇಷ ಆಕರ್ಷಣೆ: ಆಹಾರ ಮಳಿಗೆ,ಮಕ್ಕಳ ಪ್ಲೈ ಗ್ರೌಂಡ್,ಸೆಲಿಬ್ರೆಟಿಗಳ ಆಗಮನ,ಕರಾವಳಿ ಸಂಭ್ರಮದ ಪ್ರಯುಕ್ತ ಕರಾವಳಿ ಸಂಪೂರ್ಣ ಶೃಂಗಾರಗೊಳ್ಳಲಿದೆ.ವಿಶಾಲ ವೇದಿಕೆ,ಆಕರ್ಷಕ ಬೆಳಕಿನ ವಿನ್ಯಾಸ,ಸೆಲ್ಪಿ ಕಾರ್ನರ್,ಸಿಡಿಮದ್ದು ಪ್ರದರ್ಶನ,ವಿಶೇಷ ಆಹಾರ ಮಳಿಗೆಯಲ್ಲಿ ಮಡಿಕೆ ಬಿರಿಯಾನಿ,ವಿಶೇಷ ತಿಂಡಿ ತಿನಿಸು ಮಳಿಗೆ,ಮಕ್ಕಳು ಹಾಗೂ ಯುವಕರಿಗೆ ಪ್ಲೆಗ್ರೌಂಡ್,ವಿವಿಧ ಗೇಮ್ಸ್‌ಗಳು ಇರಲಿದೆ.ಇದರ ಜೊತೆ ಸ್ಟಾರ್ ಸಿಂಗರ್‍ಸ್‌ಗಳಾದ ಅಶ್ವಿನ್ ಶರ್ಮಾ,ಎದೆ ತುಂಬಿ ಹಾಡುವೆನು ಖ್ಯಾತಿಯ ನಾದೀರ,ಕನ್ನಡ ಚಲನಚಿತ್ರ ಹಿನ್ನೆಲೆ ಗಾಯಕಿ ದಿವ್ಯಾ ರಾಮಚಂದ್ರ,ಮಹೇಶ ಆಚಾರ್ಯ,ಕ್ರಾಂತಿ ಚಲನಚಿತ್ರ ಗಾಯಕ ಪಂಚಮ ಜೀವಾ,ಜೂನಿಯರ್ ರಿಷಬ್,ತನ್ವಿತಾ ಕುಂದಾಪುರ ಇವರಿಂದ ಯೋಗ ನೃತ್ಯ,ಹೇಮಂತ್ ಇವರಿಂದ ಸ್ಟಿಕ್ ಡಾನ್ಸ್ ನಡೆಯಲಿದೆ.ಹತ್ತು ಹಲವು ವಿಭಿನ್ನ ಕಾರ್ಯಕ್ರಮದ ಮೂಲಕ ಉತ್ತರ ಕನ್ನಡ ಹಾಗೂ ಉಡುಪಿ ಜಿಲ್ಲೆಯ ಪ್ರಸಿದ್ದ ನಿರೂಪಕ ಸಂಜನಾ ನಾಗರಾಜ್ ಕಾರ್ಯಕ್ರಮ ನಿರೂಪಿಸಲಿದ್ದಾರೆ.ಈ ಎಲ್ಲಾ ಕಾರ್ಯಕ್ರಮಕ್ಕೂ ಕಲಾಭಿಮಾನಿಗಳು,ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕೆಂದು ಯುವಶಕ್ತಿ ಕರಾವಳಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.