ಬೈಂದೂರು: ಬೈಂದೂರಿನ ಐತಿಹಾಸಿಕ ಪ್ರಸಿದ್ದ ಹೋಲಿಕ್ರಾಸ್ ಚರ್ಚಿನಲ್ಲಿ ಕೆಥೋಲಿಕ್ ಸಭಾ ಉಡುಪಿ ಪ್ರದೇಶ್, ಶೆವೊಟ್ ಪ್ರತಿಷ್ಠಾನ, ಕುಂದಾಪುರದ ಸಿ.ಎಸ್.ಐ. ಕೃಪಾ ಚರ್ಚ್, ಹೋಲಿ ಕ್ರಾಸ್ ಚರ್ಚ್ ಸಹಯೋಗದಲ್ಲಿ ಸೌಹಾರ್ದ ಕ್ರಿಸ್‌ಮಸ್ ಹಾಗೂ ಫಲಾನುಭವಿಗಳಿಗೆ ಸಹಾಯಹಸ್ತ ಕಾರ್ಯಕ್ರಮ ಜರುಗಿತು.
ಉಡುಪಿಯ ಧರ್ಮ ಪ್ರಾಂತ್ಯದ ಅಂತರ್ ಧರ್ಮಿಯ ಆಯೋಗದ ನಿರ್ದೇಶಕ ವಂದನೀಯ ಧರ್ಮಗುರು ಲೂಯಿಸ್ ಡೆಸಾ,ಬೈಂದೂರಿನ ಧರ್ಮಗುರು ವಿನ್ಸೆಂಟ್ ಕುವೆಲ್ಲೋ. ಬ್ಲಡ್ ಹೆಲ್ತ್ ಕೇರ್ ಕರ್ನಾಟಕದ ಸಂಚಾಲಕ ಶಂಸುದ್ದೀನ್ ಬಳ್ಳುಂಜೆ ಹಾಗೂ ಪ್ರಗತಿ ಪರ ಚಿಂತಕ ಡಾ. ಸುಬ್ರಮಣ್ಯ ಭಟ್ ಶುಭಸಂದೇಶ ನೀಡಿದರು.
ಈ ಸಂದರ್ಭದಲ್ಲಿ ರಕ್ತದಾನಿಗಳಾದ ಶೇಖ್ ಫಯಾಜ್ ಆಲಿ,ಅಂಬುಲೈನ್ಸ್ ಸೇವೆ ನೀಡುತ್ತಿರುವ ಪ್ರವೀಣ್ ಆಚಾರಿ ಬೈಂದೂರು ಹಾಗೂ ಬೈಂದೂರು ಸಮುದಾಯ ಆರೋಗ್ಯ ಕೇಂದ್ರದ ಮಿಲಿಯಾನ ಲೋಬೊ ರವರನ್ನು ಸಮ್ಮಾನಿಸಲಾಯಿತು.
ಕುಂದಾಪುರ ವಲಯದ ಪ್ರಧಾನ ಧರ್ಮಗುರು ಗುರು ಸ್ವಾನಿ ತಾವ್ರ್ರೋ, ಕುಂದಾಪುರದ ಸಿ.ಎಸ್.ಐ. ಕೃಪಾ ಚರ್ಚ್ ನ ರೆವರೆಂಡ್ ದಿಲನ್ ಚಕ್ರವರ್ತಿ ದಾಸ್,ವಲಯ ಅಧ್ಯಕ್ಷೆ ಶಾಂತಿ ಪೀರೆರಾ, ಕಾರ್ಯದರ್ಶಿ ಪ್ರೇಮಾ ಡಿಕುನ್ಹಾ, ಬೈಂದೂರು ಘಟಕದ ಅಧ್ಯಕ್ಷೆ ಜೋಸ್ಪಿನ್ ರೋಡ್ರಿಗಸ್, ಶೆವೊಟ್ ಪ್ರತಿಷ್ಠಾನ್ ಅಧ್ಯಕ್ಷ ವಿನೋದ್ ಕ್ರಾಸ್ಟೊ, ಮೇಬಲ್ ಡಿಸೋಜಾ,ಜೀವನ್ ಸಾಲಿನ್ಸ್, ಸ್ಟ್ಯಾನಿ ಡಾಯಸ್ ಉಪಸ್ಥಿತರಿದ್ದರು.