ಶಿರೂರು; ಪ್ರಸಕ್ತ ಸಾಲಿನ ಎಸ್.ಎಸ್.ಎಲ್. ಸಿ ಪರೀಕ್ಷೆ ಯಲ್ಲಿ ಸರಕಾರಿ ಪದವಿ ಪೂರ್ವ ಕಾಲೇಜು, ಶಿರೂರು ಶಾಲೆ 97.46% ದಾಖಲೆಯ ಫಲಿತಾಂಶ ದಾಖಲಿಸಿದೆ. ವಿದ್ಯಾರ್ಥಿಗಳಾದ, ನೇಜಿ ಹಾಜಿರಾ ಸಫ್ರೀನ್ (545) , ನನ್ನು ಅಮೀಮಾ ಅಂಜುಮ್(503)’ ರಿಜಾ ನಾಯಿಫಾ ಬಾತ್ಯಾ ನಾಸಿರ್(485,) ಕೋಕಾ ರೀಹ (466)ಕಾವ್ಯಶ್ರೀ ಮೇಸ್ತ (447) ಅಂಕಗಳನ್ನು ಗಳಿಸಿದ್ದಾರೆ, ಶಾಲೆಗೆ, ಶಿಕ್ಷಕ ವೃಂದದವರಿಗೆ, ಪೋಷಕರಿಗೆ, ಊರಿಗೆ ಕೀರ್ತಿ ತಂದಿರುತ್ತಾರೆ. ಕಳೆದ ಹಳವು ವರ್ಷಗಳಿಂದ ಕಡಿಮೆ ಫಲಿತಾಂಶ ಬರುತ್ತಿರುವ ಕಾರಣ ಪ್ರೌಡಶಾಲಾ ಶಿಕ್ಷಕವ್ರಂದ ರಾತ್ರಿ ಶಾಲೆ ಸೇರಿದಂತೆ ಹಲವು ವಿಶೇಷ ಪ್ರಯತ್ನ ನಡೆಸಿದೆ. ಮಾನ್ಯ ಉಪ ನಿರ್ದೇಶಕರ ಮಾರ್ಗದರ್ಶನ ಹಾಗೆ ಮಾನ್ಯ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಸಲಹೆ ಹಾಗೂ ಶಾಲೆಯ ಉಪ ಪ್ರಾಂಶುಪಾಲರಾದ ಬೊಮ್ಮಯ್ಯ ಬಿ.ಗಾಂವ್ಕರ್ ಅವರ ವಿಶೇಷ ಪರಿಶ್ರಮ ರಾತ್ರಿ ತರಗತಿಗಳು, ಬೆಳಗಿನ ಸಂಜೆಯ ಅವಧಿಯ ವಿಶೇಷ ತರಗತಿಗಳು, ಪೋಷಕರ ಮನೆ ಭೇಟಿ, ತಾಯಂದಿರ ಸಭೆ, ನಿರಂತರ ಗೈರಾಗಿರುವ ಮಕ್ಕಳ ಮನೆ ಭೇಟಿ ಮುಂತಾದ ವಿನೂತನ ಪ್ರಯೋಗಗಳಿಂದ ಹಾಗೂ ಎಲ್ಲಾ ಸಹ ಶಿಕ್ಷಕರ ಸಹಯೋಗ ಹಾಗೂ ತರಬೇತಿಗಳಿಂದ, ಬೋಧಕೇತರ ಸಿಬ್ಬಂದಿಗಳ ಸಹಕಾರದಿಂದ ಈ ಸಾಧನೆ ಸಾಧ್ಯವಾಗಿದೆ ಎಂದು ತಿಳಿಸಿದ್ದಾರೆ.