ಶಿರೂರು: ರೈತ ಸಂಘ ಶಿರೂರು ಇದರ ವತಿಯಿಂದ ಹೊಸ್ತು ಹಬ್ಬದ ಆಚರಣೆ ಪ್ರಯುಕ್ತ ಶಿರೂರು ಸೋಡಿಬೆಟ್ಟಿನಲ್ಲಿ ಗ್ರಾಮೀಣ ಕ್ರೀಡಾಕೂಟ ಆಯೋಜಿಸಲಾಯಿತು. ನೂರಾರು ರೈತರು ಕ್ರೀಡಾಕೂಟದಲ್ಲಿ ಭಾಗವಹಿಸಿದರು.

ಗ್ರಾಮೀಣ ಕ್ರೀಡಾ ಸಂಭ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಶಿರೂರು ರೈತ ಸಂಘದ ಅಧ್ಯಕ್ಷ ರವಿಂದ್ರ ಶೆಟ್ಟಿ ಹೊಸ್ಮನೆ ಹೊಸ್ತು ಗ್ರಾಮೀಣ ಭಾಗದ ರೈತರ ಪ್ರಮುಖ ಆಚರಣೆಯಾಗಿದೆ.ಅನೇಕ ವರ್ಷಗಳ ಹಿಂದೆ ಸೋಡಿಬೆಟ್ಟಿನಲ್ಲಿ ಹೊಸ್ತಿನ ದಿನ ಕುಸ್ತಿ ನಡೆಯುತ್ತಿತ್ತು.ಯುವ ಸಮುದಾಯಕ್ಕೆ ಇಂತಹ ಕ್ರೀಡೆಗಳನ್ನು ನೆನಪಿಸುವ ಉದ್ದೇಶದಿಂದ ಈ ವರ್ಷ ಗ್ರಾಮೀಣ ಕ್ರೀಡಾಕೂಟ ಆಯೋಜಿಸಲಾಗಿದೆ.ಮುಂದಿನ ದಿನದಲ್ಲಿ ಪ್ರತಿವರ್ಷ ಈ ಕಾರ್ಯಕ್ರಮ ಆಯೋಜಿಸಲಾಗುವುದು ತಮ್ಮೆಲ್ಲರ ಸಹಕಾರ ಅತೀ ಮುಖ್ಯ ಎಂದರು.

ಈ ಸಂದರ್ಭದಲ್ಲಿ ತಾ.ಪಂ ಮಾಜಿ ಸದಸ್ಯ ಪುಷ್ಪರಾಜ್ ಶೆಟ್ಟಿ,ನಮ್ಮ ಕುಂದಾಪ್ರ ಕನ್ನಡ ಬಳಗ ಗಲ್ಪ್‌ನ ಸಾಧನ್‌ದಾಸ್,ಗಂಗಾಧರ ದಾಸ್,ರೈತ ಸಂಘದ ಉಪಾಧ್ಯಕ್ಷ ವೆಂಕ್ಟು ಪೂಜಾರಿ ಕಾಳನಮನೆ,ಯಕ್ಷ ಸಂಪದ ಕಲಾ ಬಳಗದ ಅಧ್ಯಕ್ಷ ಚಿಕ್ಕು ಪೂಜಾರಿ,ಕುಂದಾಪುರ ಆರಕ್ಷಕ ಇಲಾಖೆಯ ಮೋಹನ ಪೂಜಾರಿ,ರೈತ ಸಂಘದ ಕೋಶಾಧಿಕಾರಿ ಅರುಣ್ ಕುಮಾರ್ ಶೆಟ್ಟಿ ಶಿರೂರು,ಕಿಶೋರ್ ಪೂಜಾರಿ ಹಾಗೂ ರೈತ ಸಂಘದ ಸರ್ವ ಸದಸ್ಯರು ಹಾಜರಿದ್ದರು.

ವರದಿ/ಚಿತ್ರ: ಗಿರಿ ಶಿರೂರು